СРЕЌНИ ПРАЗНИЦИ

Кога часовникот ќе го погоди полноќ и стрелките срамежливо ќе се бакнат, знај дека некој од се срце најискрени поздрави ти праќа - „Биди многу среќен, имај многу здравје и успех, заборави на лошото од старата и максимално посвети се на новата“!

Среќна Нова година и Божиќни празници

Шест чкорчиња!

Со помош на шест еднакви чкорчиња од кибрит или еднакви стапчиња направи четири рамнострани триаголници.

Решение на проблемот

Претставувањето на Меклареновиот MP4-28

Мекларен ќе го претстави својот болид за 2013 година MP4-28 во Четврток на 31 Јануари 2013 година. Тимот беше трет на Шампионатот за конструктори и сигурно со нетрпение го очекува овој момент како и стартот на новата сезона со новото возачко дуо Батон и Перез. Лансирањето ќе биде во Британија, но не е потврдено точното место, асоцирајќи на тоа дека може и да не биде во Меклареновиот технолошки центар. Промовирањето на болидот ќе биде еден ден пред промовирањето на Форс Индија, кое ќе се одржи во базата во Силверстон.

Светлина за Грожан

Роман Грожан е победник на „Трката На Шампионите“ за 2012 година. Во групното натпреварување имаше потешкотии но после тоа одеше по мазно совладувајќи го во чевртфиналето Себастијан Фетел, во полуфиналето Михаел Шумахер и во финалето со 2:0 Том Кристенсен. Ова е нешто што му требаше после не баш сјајната и проблематична формула 1 сезона.

После победата ја даде следната изјава:

     „Тоа е луд ден како што јас го нарекувам. Малку беше тешко во групите, но некако успеав да поминам понатаму. После морав да се соочам со Себастијан Фетел во четвртфиналето пред Михаел Шумахер во полуфиналето, двајцата германци  кои не победија вчера во финалето на националниот куп. После го имав финалето со Том. Ние имаме добра историја на ова натпреварување и се имав тркано со него порано па беше добро да се сретнам со него во финалето. Имав малку екстра среќа да бидам во правата кола во правото време.

     Беше тежок крај на формула 1 сезоната но конечно вчера се вратив на подиум и сега ова. Одлично е да се освои оваа победа пред да одам на одмор. Благодарам на сите во Тајланд бидејќи пречекот беше одличен“

Уште една маѓија на Математиката

Еве како да одредите во кој ден се паѓа одреден датум!

Јануари има 31 ден. Тоа значи дека секој ден во Февруари ќе биде 3 дена покасно од истото дато во Јануари. Наредната листа е пополнета со пресметка на овој начин. Листата ќе ти помогне во пресметувањето.

Јануари	0
Февруари	3
Март	3
Април	6
Мај	1
Јуни	4
Јули	6
Август	2
Септември	5
Октомври	0
Ноември	3
Декември	5

Еве еден пример:

Чекор 1: Да пресметаме во кој ден се паѓа 17 Мај 1998 година

Чекор 2: Бројот во табелата за месец Мај е 1

Чекор 3: Да го земеме датото од месецот, а тоа е 17

Чекор 4: Да ги земеме последните две цифри од годината, а тие се 98

Чекор 5: Подели го бројот од четвртиот чекор со 4, а тоа е 24 (Запиши го само целиот дел)

Чекор 6: Сега собери ги сите 4 броеви: 1+17+98+24=140

Чекор 7: Подели го 140 со 7, а тоа е 20 и остаток 0

Остатокот е бараниот ден, кој треба да се види во листата подоле

Недела	0
Понеделник	1
Вторник	2
Среда	3
Четврток	4
Петок	5
Сабота	6

Шест по ред за Германија

Дуото на Германија Себастијан Фетел и Михаел Шумахер и ја донесоа шестата титула на Германија на Националниот куп на Трката На Шампионите во Тајланд. Во финалето беа подобри од францускиот пар Роман Грожан и Себастијан Ожиер. Во текот на целото натпреварување немаа изгубено ниту еден дуел. После победата Шумахер вети дека ќе бидат дел од натпреварувањето и наредната година со цел за седма титула по ред и подобрување на рекордот, изјавувајќи дека бројот седум му бил среќен број и ќе притиснат доста јако. Ова би требало да биде еден повик и апел, па дури и предизвик до сите големи имиња на мотоспортот да земат учество наредната година и да пробаат да им ги поматат сметките на Фетел и  Шумахер. Да се надеваме дека Алонсо и Ферари нема да покренат истрага заради жолто знаме со цел за поништување на резултатите.

Одговори на трите парадокси

Во понеделникот на 10.12.2012 година во делот Парадокси поставив три парадокси, Неправдија, Племе човекојадци и Берберот. Кога ги поставив не ги напишав нивните одговори, оставив временска рамка со цел некој да се обиде да ги одговори, сите или барем некој од нив. Временската рамка денес истекува и поради тоа одговорите на поставените парадокси сега се напишани. Одговорите се следни:


Неправдија -
     Одговор: Обвинетиот зема едно ливче и веднаш го проголтува. Тогаш, според законите на судењето може д асе тврди дека на него пишувало спротивно од она што е напишано на преостанатото ливче. Бидејќи на преостанатото ливче пишува „смрт“, судијата морал да го ослободи.

Племе човекојадци -
     Одговор: Истражувачот ќе се спаси ако изјави „Вие ќе ме сварите“. Имено, тогаш не смеат да го испечат, бидејќи печењето е предвидено за вистинита изјава, а кога би го испекле, изјавата „Вие ќе ме сварите“, би била лажна. Но не смеат ни да го сварат бидејќи варењето е предвидено за лажна изјава, а кога би го свариле, изјавата „Вие ќе ме сварите“ би ибла вистинита. Според тоа, ако поглаватарот го одржи даденото ветување, истражувачот нема ниту да биде сварен ниту да биде испечен. Решението на поставениот проблем е во следново: Од пресудата на поглаватарот во прв момент се чини дека истражувачот сигурно ќе настрада, бидејќи било која изјава да ја даде, таа ќе биде вистинита или лажна. Меѓутоа изјавата „Вие ќе ме сварите“ сама по себе не е ниту вистинита ниту лажна во даденниот момент, туку нејзината вистинитост односно невистинитост зависи од идните настани.


Берберот -

     Одговор: Постојат две можности, или берберот се бричи сам или берберот не се бричи сам. Следната дискусија покажува дека и двете можности доведуваат до прекршување на законот. Во првиот случај, ако берберот се бричи сам, тогаш тој спаѓа во оние жители кои берберот не смее да ги бричи, што значи дека го прекршува законот. Во вториот случај, ако тој не се бричи сам, тогаш според законот него треба да го бричи берберот, т.е. тој треба да се бричи сам, па затоа повторно го прекршува законот. Проблемот во оваа парадоксална состојба е во тоа, што усвоениот закон не одредува кој ќе го бричи берберот.

Време за маѓиите на математиката

Чекор1: Додадете 18 на вашиот месец на раѓање

Чекор 2: Резултатот помножете го со 25
Чекор 3: Одземете 333

Чекор 4: Помножете со 8

Чекор 5: Одземете 554
Чекор 6: Поделете со 2

Чекор 7: Додадете го вашиот датум на раѓање
Чекор 8: Помножете со 5
Чекор 9: Додадете 692
Чекор 10: Помножете со 20
Чекор 11: Додадете ги само последните две цифри од годината на вашето раѓање
Чекор 12: Одземете 32 940 за да го добиете вашиот роденден!.

     Доколку правилно сте работеле треба да го добиете вашиот ден, месец и година на раѓање. На пример: Доколку добиете резултат 81563 вашиот датум на раѓање е: 15 Август 1963.

Дојде Викендот на Шампионите

Конечно дојде викендот за „ТРКАТА НА ШАМПИОНИТЕ“.

     Утре, сабота на 15.12.2012 година ќе се одржи трката на шампионите со почеток во 14:00 часот и тоа со борба за националниот куп. Германија до сега има 5 титули во таа категорија и прашањето е дали ќе се наниже и шестата или таа ќе одите во рацете на друга нација.

     Во недела на 16.12.2012 година ќе се одржи трката на шампионите со почеток во истиот термин како и предходниот ден, во 14:00 часот и тоа со борба за поединечната титула.

     Преносот во живо ќе може да биде следен на MotorsTV.

Фетел и Раиконен против правилата

     Себастиан Фетел и Кими Раиконен ги прекршиле правилата во Турција на гала вечерта организирана од ФИА за доделување на наградите од светскиот Формула 1 шампионат.

      Себастиан Фетел за малку ќе закаснел на свечената церемонија поради доаѓањето без својот пасош. Морал да чека цел час на аеродром се до интервенцијата на Турската моторспорт федерација да биде пропуштен со заменет документ.

     Од друга страна Кими Раиконен кој изјави дека „за жал“ морал да присуствува на гала вечерта поради завршувањето на шампионатот на третото место целата ситуација ја зачинил со присуството во костим но без вратоврска. На сето тоа додал: „Јас не ги следам правилата, Јас ги правам правилата“.

Sebastian Vettel и Christian Horner

Kimi Raikonnen

Парадокси

На делот парадокси, имам поставено три нови парадокси. Одговорите на нив не се напишани со цел да се остави временска рамка сите оние што ќе ги прочитаат во делот за коментар да пробаат да го дадат нивниот одговор. Одговорите од моја страна ќе бидат поставени во сабота 15.12.2012 година до 20h. Пријатни моменти.

     Неправдија: Во земјата „Неправдија“ се суди на следниот начин: Судијата на обвинетиот му нуди избор од две ливчиња, од кои на едното пишува „живот“, а на другото „смрт“. Обвинетиот со вврзани очи избира едно од нив. Ако на избраното ливче пишува „живот“, тој е слободен, а во спротивен случај е осуден на смртна казна. Еден обвинет дознал дека судијата решил по секоја цена да го погуби, па затоа и на двете ливчиња кои ќе ги добие за избор ќе пишува „смрт“. Сепак обвинетиот не настрадал. Напротив, познавањето на намерата на судијата сигурно да го погуби му овозможува сигурно да се спаси. Како?

     Племе човекојадци: Едно племе човекојадци фатило еден истражувач. Нивниот поглавар му рекол: „Мораш да дадеш една осмислена изјава. Ако таа биде вистина ќе те испечеме и ќе те изедеме, а ако биде лажна ќе те свариме и ќе те изедеме“. Дало може истражувачот да се спаси?

     Берберот: Во едно село во кое има само еден бербер постои закон според кој берберот ги бричи сите оние кои не се бричат сами и не бричи никој друг. Кој го бричи берберот?

Размисли

Враќање на Адријан Сутил

Адриан Сутил е на пат да се врати во Ф1 наредната сезона преку седиште во Форс Индиа како партнер на Пол Ди Реста, по заминувањето на Хулкенберг во Заубер на крајот од оваа година. Оваа вест се очекува да биде потврдена во текот на наредната недела од страна на тимскиот шеф Виџеј Малиа.

Моменталниот резервен пилот на Форс Индиа е во игра, но на негова штета е неговото мало искуство.

Adrian Sutil

Австриското ГП на врата

Во минатото позната како Österreichring од 1970 до 1987 година, покасно преработена и преименувана во A1-Ring од 1997 до 2003, за покасно да биде повторно преработена и преименувана во Red Bull Ring и отворена на 15 Мај 2011 година. Домаќин на ДТМ првенството во 2011 година и на Ф2 шампионатот во истата година. Од наредната година може да се врати во календарот на Формула 1 трки за 2013.

Red Bull Ring

Трка На Шампиони

     Од 14 - 16 Декември ќе се одржи „ТРКАТА НА ШАМПИОНИТЕ“ во Bangkok, Thailand. За одлична забава и незаборавни моменти ќе се погрижат: Michael Schumaher, Sebastian Vettel, Ryan Hunter-Reay, Jamie Whincup, Mick Doohan, David Coulthard, Jorge Lorenco, Tom Kristensen, Andy Priaulx, Sebastien Ogier, Romain Grosjean, Benito Guerra, Narain Karthikeyan, Karun Chandhok, Han Han, Ho-Pin Tung.

     За време на забавата Sebastian Vettel ќе ги освежи сеќавањата на присутната публика и сите пред ТВ екраните на победничкиот болид на Red Bull Racing RB27.

Red Bull Racing RB7