Часови

Дневна подготовка на час

Дата:
Училиште:	ООУ „ЈХК Џинот“ - Велес
Предмет:	Математика
Одделение:	VII
Час број:	12
Наставна тема:	Триаголник и паралелни прави
Наставна единица:	Симетрали на страните. Симетрали на аглите.
Тип на часот:	Час за обработка на ново.
Цели:	- да цртаат симетрали на страни на триаголник; - да цртаат симетрали на агли на триаголник; - да знаат дека центарот на опишана кружница на тапоаголен триаголник е надвор од триаголникот; - да знаат дека центарот на впишана кружница на секој триаголник е внатрешна точка.
Очекувани исходи:	- цртаат симетрали на страни на триаголник; - цртаат симетрали на агли на триаголник; - знаат дека центарот на опишана кружница на тапоаголен триаголник е надвор од триаголникот; - знаат дека центарот на впишана кружница на секој триаголник е внатрешна точка.
Наставни форми:	Фронтална, групна, индивидуална.
Наставни методи:	Разговор, објаснување, аналитичко - синтетички, демонстрација.
Наставни техники:	Петоред.
Наставни средства:	Учебник, училишен прибор, наставен лист, ЛЦД Проектор, Лаптоп.
Оценување:	ФО: Истакнува цели и исходи. Разговор. Поставување прашања од наставник. УПИ. Меѓуученичко оценување на групната работа од техниката „Петоред“.
	Тек на часот:
	Активности на наставникот: - ги запознава со новата наставна содржина; - им ги кажува целите на часот; - им кажува како ќе се работи; - им помага во работата; - ја истакнувам целта на часот; - им кажувам на учениците како ќе работиме; - повторуваме за симетрала на отсечка и симетрала на агол преку цртање на таблата по еден пример од страна на двајца ученици (едниот симетрала на отсечка, другиот симетрала на агол); - со помош на апликацијата Геогебра ги запознавам со симетрали на страните и симетрали на аглите, нивни пресечни точки (центар на опишана кружница O и центар на впишана кружница V). Проверуваме каде се наоѓа центарот на опишана кружница кај тапоаголен триаголник и кај правоаголен триаголник; - на крај преку техниката „Петоред“ ја повторуваме наставната содржина: Техника петоред 1. Наслов (именка) - Симетрала 2. Опис (2 придавки) - Права, полуправа 3. Активност (3 глаголи) - Сече, дели, црта 4. Чувство (реченица од 4 збора) - Симетралата ја дели фигурата 5. Повторен приказ на суштината - Геометрија - учениците се поделени во 4 групи така што секоја група треба да сработи по еден ред од техниката „Петоред“ според насловот (првиот ред го работиме заедно) и на крај од сработеното ја формираме техниката „Петоред“ на таблата; Активности на учениците: - следат, даваат одговори, мерат, споредуваат, решаваат, заклучуваат. - за дома: Страна: 77; Задачи: 1, 2 и 3.
Наставен лист: