Monday, December 23, 2013

График На Функција

На следната симулација може да испитувате график на функција



На Цел Екран

Дропки - Мешани броеви

Со клик во долниот десен агол ви се појавува прозорец на кој може да изберете Цел екран (Full screen) и доколку сакате да ја посетите официјалната страна на PHET,COLORADO.

Математичка Вежбанка

Математичка вежбанка на која може да вежбате и да ги усовршувате множењето и делењето



На Цел Екран

Wednesday, November 6, 2013

Евидентни листови „Бланко“

Почитувани,

Во прилог Евидентните листови за I-III и IV-VI подготвени за пополнување во електронска форма. Само кликнете во делот каде што пишува „Кликни“ и внесете ги потребните податоци. Само пазете при првото принтање деловите за секој нареден период да бидат празни (Пример: При принтање за прво тримесечие во делот за прво полугодие и второ тримесечие да не стои „Кликни“). Користете МК поддршка.



Пријатна работа ...

Wednesday, October 30, 2013

Голем одмор - МРТ

Почитувани,

ООУ „ЈХК-Џинот“ од Велес на 28.10.2013 година беше гостин во емисијата Голем одмор на МРТ. Во емисијата зедоа учество ученици од сите одделенија при што беа решавани задачи од математиката, оригами изработки, модели по техничко образование, експерименти по биологија како и по физика и хемија.

По физика беше изведен еден експеримент, додека вториот беше по физика и хемија заедно.

Експериментот по физика е од областа електростатика. Целта беше да се покаже како секој од нас во домашни услови може да направи Електроскоп, како и да се покаже зошто служи елекстроскопот.

Другиот експеримент кој беше изведен заедно со предметот хемија имаше за цел да ни покаже кој се преносителите на електрична струја кај течностите и дали сите течности ја пренесуваат електричната струја (Електролиза).


Sunday, October 27, 2013

Фернандо Алонсо и Ферари

Здраво на сите. Ќе поставам нешто кое се однесува на Фернандо Алонсо и неговата голема желба да биде светски првак во Формула 1 со тимот на Ферари. Оние што се постари и се дружат со формула 1 од своите рани години биле дел од тоа, а сите останати имаат слушнато, прочитано или видено дека Фернандо беше светски првак во формула 1 во 2005 и 2006 година со тимот на Рено. Знаеме дека после секоја трка го слушаме тимското радио од разговорот помеѓу возачот и неговиот тим. Во овој пост ќе го ставам линкот од комплетната радио транскрипција на Рено Ф1 Тимот. Од неа ќе може да видите што е проблемот што Фернандо не може да дојде до Ф1 титулата со црвениот болид.

Обрнете внимание на следниот дел:
ALO: This was the last race with you guys. It was the final race, and we have won both championships again. Thank your for all these years, it has been a pleasure for me to work with you with this success, and I wish you the best for the future.
PS: We wish you the best too Fernando.
ALO: As long as the car is not red, I wish you the best!
RN: Don’t worry, we’ll never paint it red mate! Absolutely fantastic, it has been a brilliant year, a brilliant year mate, well done.

Во прилог комплетниот транскрипт: http://www.f1complete.com/content/view/2804/

Сите коментари и размислувања се добредојдени (All comments are welcomed).

Thursday, October 24, 2013

Проектна активност - Студија на случај

Проектната активност е реализирана во ООУ „ЈХК-Џинот“ Велес, од страна на предметниот наставник Игор Михајловски и ученици од соодветните одделенија. Целокупната активност може да се види од приложениот линк.


Секој коментар би бил добредојден.

Wednesday, October 23, 2013

Проектна активност - Рене Декарт

Проектната активност е реализирана во ООУ „ЈХК-Џинот“ Велес, од страна на предметниот наставник Игор Михајловски и ученици од соодветите одделенија. Целокупната активност може да се види од приложениот линк.

Проект за Рене Декарт

Секој коментар би бил добредојден.

Friday, October 4, 2013

Четири овци!

Си бил еден фармер и имал 4 овци. Еден ден забележал дека овците се така застанати што растојанието помеѓу секоја од нив е еднакво (Растојанието помеѓу кои и да било две овци е еднакво). Како е можно ова?

Одговорот е: „ТЕТРАЕДАР“.

Thursday, March 28, 2013

Множење на двоцифрен број со 11

Пример - 1:
Нека пробаме да го помножиме 12 со 11
Прв чекор: Нека ги раздвоиме цифрите на бројот 12 (1--------------2);
Втор чекор: Нека ги собереме цифрите на бројот 12 (1 + 2 = 3);
Трет чекор: Нека ја додадеме цифрата 3 помеѓу цифрите 1 и 2 (се добива 132)
Решение: 12*11=132

Пример - 2:
Нека пробаме да го помножиме 23 со 11
Прв чекор: Нека ги раздвоиме цифрите на бројот 23 (2--------------3);
Втор чекор: Нека ги собереме цифрите на бројот 23 (2 + 3 = 5);
Трет чекор: Нека ја додадеме цифрата 5 помеѓу цифрите 2 и 3 (се добива 253)
Решение: 23*11=253

Пример - 3:
Нека пробаме да го помножиме 76 со 11
Прв чекор: Нека ги раздвоиме цифрите на бројот 76 (7--------------6);
Втор чекор: Нека ги собереме цифрите на бројот 76 (7 + 6 = 13);
Трет чекор: Нека ја додадеме цифрата 3 помеѓу цифрите 7 и 6 (се добива 736)
Четврт чекор: Нека ја додадеме цифрата 1 од збирот 13 на цифрата 7 од бројот 736 (се добива 836)
Решение: 76*11=836

Се надевам дека уживавте. Сега пробајте вие.

Monday, March 18, 2013

Убавините на математиката



1 x 8 + 1 = 9
12 x 8 + 2 = 98
123 x 8 + 3 = 987
1234 x 8 + 4 = 9876
12345 x 8 + 5 = 98765
123456 x 8 + 6 = 987654
1234567 x 8 + 7 = 9876543
12345678 x 8 + 8 = 98765432
123456789 x 8 + 9 = 987654321

1 x 9 + 2 = 11
12 x 9 + 3 = 111
123 x 9 + 4 = 1111
1234 x 9 + 5 = 11111
12345 x 9 + 6 = 111111
123456 x 9 + 7 = 1111111
1234567 x 9 + 8 = 11111111
12345678 x 9 + 9 = 111111111
123456789 x 9 + 10 = 1111111111

9 x 9 + 7 = 88
98 x 9 + 6 = 888
987 x 9 + 5 = 8888
9876 x 9 + 4 = 88888
98765 x 9 + 3 = 888888
987654 x 9 + 2 = 8888888
9876543 x 9 + 1 = 88888888
98765432 x 9 + 0 = 888888888

1 x 1 = 1
11 x 11 = 121
111 x 111 = 12321
1111 x 1111 = 1234321
11111 x 11111 = 123454321
111111 x 111111 = 12345654321
1111111 x 1111111 = 1234567654321
11111111 x 11111111 = 123456787654321
111111111 x 111111111 = 12345678987654321
 
12345679 x 9 = 111111111
12345679 x 18 = 222222222
12345679 x 27 = 333333333
12345679 x 36 = 444444444
12345679 x 45 = 555555555
12345679 x 54 = 666666666
12345679 x 63 = 777777777
12345679 x 72 = 888888888
12345679 x 81 = 999999999

9 x 9 = 81
99 x 99 = 9801
999 x 999 = 998001
9999 x 9999 = 99980001
99999 x 99999 = 9999800001
999999 x 999999 = 999998000001
9999999 x 9999999 = 99999980000001
99999999 x 99999999 = 9999999800000001
999999999 x 999999999 = 999999998000000001
......................................

6 x 7 = 42
66 x 67 = 4422
666 x 667 = 444222
6666 x 6667 = 44442222
66666 x 66667 = 4444422222
666666 x 666667 = 444444222222
6666666 x 6666667 = 44444442222222
66666666 x 66666667 = 4444444422222222
666666666 x 666666667 = 444444444222222222
......................................

Sunday, March 10, 2013

Регионален натпревар по математика

      На 30.03.2013 година во ООУ „Васил Главинов“ Велес ќе се одржи регионалниот натпревар по математика со почеток во 09 часот и со времетраење од 120 минути (Велес, Свети Николе, Богомила, Градско, Лозово, Чашка).
     На Регионалниот натпревар учествуваат ученици од основното образование од IV до VIII одделение. Бројот на учесници е следен: Училиште кое има до 10 паралелки од IV до VIII одделение може да учествува со 8 натпреварувачи. Училиште кое има повеќе од 10, а не повеќе од 15 паралелки од IV до VIII одделение може да учествува со 12 натпреварувачи. Училиште со над 15 паралелки од IV до VIII одделение може да учествува со 14 натпреварувачи. Учениците кои минатата година имаат освоено награда автоматски се учесници на Регионалниот натпревар. Училиштето домаќин може да учествува со по еден натпреварувач повеќе во секое одделение.
     Пријавата за учество треба да се достави најдоцна 15 дена пред натпреварот до одговорниот наставник од училиштето домаќин.
     На натпреварот ќе бидат зададени 5 задачи со вкупен број на бодови 100. Изборот на задачи е следниот: 2 задачи од списанието НУМЕРУС во издание на СММ, од рубриките Конкурсни задачи и подготвителни задачи за натпревар; 3 задачи по избор на комисијата за задачи за натпревари во основното образование при СММ.

Со среќа на сите

Wednesday, February 27, 2013

Патронат - „ООУ ЈХК-Џинот“ Велес

ООУ „Јордан Хаџи Константинов - Џинот“ од Велес на 21.02.2013 година го прослави својот Патронен празник ...

Monday, February 18, 2013

За колку време?

Ако 6 момчиња пополнуваат 6 тетратки за 6 недели и 4 девојчиња пополнуваат 4 тетратки за 4 недели, колку тетратки ќе пополни одделение од 12 момчиња и 12 девојчиња за 12 недели?

Решение:
Ако 6 момчиња пополнуваат 6 тетратки за 6 недели,
12 момчиња пополнуваат 12 тетратки за 6 недели, 
тогаш 12 момчиња пополнуваат 24 тетратки за 12 недели;
Ако 4 девојчиња пополнуваат 4 тетратки за 4 недели,
12 девојчиња пополнуваат 12 тетратки за 4 недели,
тогаш 12 девојчиња пополнуваат 36 тетратки за 12 недели;
Од ова следува дека 12 девојчиња и 12 момчиња пополнуваат
24+36 = 60 тетратки за 12 недели.

Saturday, January 19, 2013

1 = 2 !!!

1. a = b; (се множи со a)
2. a^2 = ab; (се додава a^2-2ab)
3. a^2 + a^2 - 2ab = ab + a^2 - 2ab; (после средувањето се добива 4)
4. 2a^2 - 2ab = a^2 - ab; (после извлекување пред заграда се добива 5)
5. 2(a^2 - ab) = a^2 - ab; (после делење на двете страни со a^2 - ab се добива 6)
6. 2 = 1

     Ахил: Ахил и желката се тркаат, но така што желката како побавна има извесна предност пред Ахил во почетниот момент на стартот на трката. На прашањето дали Ахил ќе ја стигне желката, се добиваат две спротивставени мислења. Ахил како побрз логично е дека кога тогаш ќе ја стигне желката. Меѓутоа од друга страна пак, додека Ахил стигне до почетната положба на желката, таа ќе отиде понапред. Додека стигне до нејзината нова положба таа ќе отиде уште понапред и така Ахил никогаш нема да ја стигне желката т.е. му е потребно бесконечно време за да ја стигне. Гледано од аспект на денешната математика, времето потребно на Ахил да ја стигне желката е збир од бесконечно многу времиња, но бидејќи добиениот ред е конвергентен, тоа време е конечно.
 
     Дихотомија: Нека сакам да поминам пат од А до Б по права линија. За да стигнам до Б, треба прво да ја поминам половината АБ1. За да стигнам до Б1 морам најпрво да стигнам до Б2, која се наоѓа на половина пат од Б1 и така до бескрајност, што значи движењето нема никогаш да почне.Заноновите расудувања покажале дека секоја конечна отсечка може да се подели на безброј мали отсечки, секоја од кои има конечна должина. Се смета, според Танери, дека Зеноновите размислувања предизвикале вистински логички скандал за криза на грчата математика.

     Две момчиња и се додворувале на иста девојка. Таа им вели: „Напишете ми по една песна. Ќе ја одберам онаа, која повеќе ќе ми се допадне. Ако погодам кој од вас двајцата ја напишал, ќе се омажам за него. Ако не погодам, ќе се омажам за оној кој ја напишал другата песна.“ Дали е праведен овој услов? Одговор: Со наведениот услов девојката сигурно ќе се омажи за она момче, за кое ќе претпостави дека ја напишало песната што повеќе ќе и се допадне. Навистина, ако погоди, тоа е очигледно. Ако пак не погоди, тогаш нема да се омажи за оној кој ја напишал одбраната песна туку за другиот, па значи повторно за оној за кој претпоставила дека ја напишал песната. Според тоа, ако под „праведен“ услов подразбираме услов при кој и двете момчиња ќе имаат подеднакви изгледи, тогаш предлогот на девојката не е „праведен“.

Пробајте

Еве уште еден начин со кој може да се одреди бројот на вашите години.

1. Земете го вашиот број на чевли и помножете го со 5;
2. Добиениот производ помножете го со 20;
3. На вкупниот резултат додадете 2012;
4. Од тоа одземете ја годината на своето раѓање и ќе добиете четирицифрен број;
5. Првите две цифри се бројот на вашите чевли, а другите две се бројот на вашите години.